الأربعاء، مارس 12، 2008

سكوووووب...مختلف

من حوالي كام سنة وانا بحب اتابع سلسلة عالم المعرفة ...واللي ميعرفش مين هي السلسلة دي...ببساطة هي سلسلة صادرة عن المجلس الوطني للثقافة والفنون والاداب بدولة الكويت......الحقيقة بتصدر عنها كتب قمة في الروعة ...سواء كانت مترجمة او غير مترجمة
النهاردة بقي في فوكس كبير هيتعمل علي كتاب من كتب السلسلة دي ... والكتاب يحمل عنوان
الفلسفة البيئية
من حقوق الحيوان الي الايكيولوجيا الجذرية
الكتاب عبارة عن مجموعة مقالات تخص البيئة والطبيعة والكائنات اللي عايشين فيها ...وهو من تحرير مايكل زيمرمان ..ترجمة الاستاذ معين شفيق رومية ،وهو صدر عام 2006 في شهر اكتوبر
والحقيقة الفوكس مش هيبقي علي الكتاب كله ..هو هيبقي علي فقرة داخل الكتاب...الفقرة دي بجد انا لما قريتها وقفت قدامها كتير جدااااااا
وكمان علي فقرة تانية لا تقل اهمية عن سابقتها
الفقرة الاولي كانت في الفصل الخامس (اخلاقيات احترام الطبيعة)
"ويظل موضع ترقب ان كان هذا القادم الجديد قادرا علي البقاء بمقدار ما بقيت الانواع الحية الاخري.لكن ثمة فظاظة في الطريقة التي ينظر بها البشر شذرا نحو الحيوانات (الادني) خصوصا تلك التي انقرضت زفمثلا نحن نعد الديناصورات فاشلة بيولوجيا علي الرغم من انها وجدت علي كوكبنا طيلة 65 مليون سنة ، وقد عبر احد الكتاب عن هذه النقطة بشكل مبسط وجميل:نتحدث احيانا عن الديناصورات الفاشلة ،اذن سيكون الوقت كافيا لاطلاق هذا الحكم عندما يمر علينا مجرد عشر مدة بقائها"
الفقرة التانية من نفس الفصل
"اذن في حال حدوث الفناء الشامل النهائي والمطلق لنوعنا البشري (وهذا ما جلبناه بايدينا) واذا لم نحمل معنا جميع الاخرين الي النسيان ،فعندها لن يتمكن مجتمع الحياة علي الارض من الاستمرار وحسب ،بل من المحتمل جداا ان ازدهاره سوف يتعزز ،باختصار ان حضورنا ليس ضروريا فلو اتخذنا وجهة نظر مجتمع الحياة واعطينا الصوت لمصلحته الحقيقة ،فمن المحتمل جدا ان نهاية حقبتنا ذات الانشات الستة ستكون موضع ترحيب عارم"
طبعا انا بتحفظ علي جملة في الفقرة التانية لكن المهم هو المعني المجمل والعام للفقرتين
رايي في الموضوع ده هيكون الاسبوع الجاي ان شاء الله
انا اللي يهمني دلوقتي رايكم انتم ياريت كل اللي يدخل يقول وجهة نظره
لانكم انتم اللي هتعملوا الاسكوب المرة دي مش انا

4 اللي شاركوني منظاري:

oceaneyes يقول...

الأول كدة ..ازيك يا نور ؟؟

عاملة ايه يا جميل ؟؟؟

ابقى طمنينى عليكى كدة وعرفينى عملتى ايه فى الكلية والامتحانات والنتيجة والهم ده :D

نيجى بقى لموضوع السكووووب المرة دى

البشر فعلا ..وخصوصا فى مجتمعنا الشرقى ده مش بيهتموا بالحيوانات ابداااااااااا

نادرا ما تلاقى حد بيخاف على الحيوانات او حتى بيعترف بجمعية الرفق بالحيوان ..

وكتييييير جدا بشوف الناس بيعاملوا حيواناتهم بقسوة وعنف ..مش مقدرين ان الحيوان ده بيحس !!

لو على الديناصورات ..فأنا مستغربة من حاجة

ليه فاشلة بيولوجيا !!

النقطة دى مستغربالها فعلا يعنى ..ولا علشان ما قدرتش تقاوم وانقرضت !!؟

؟؟؟


اما عن الفقرة التانية فأنا مع الكلام المذكور فيها ..احنا فعلا جلبنا الفناء الشامل لنوعنا بأيدينا ..



حلو الموضوع بجد ..ومستنية اعرف رأيك اللى وعدتينا بيه ..


تحياتى

:)

ابن حـجـر الـعـسـقـلانـى يقول...

أنا بقالى سنتين تقريبا كل ما أروح معرض الكتاب لازم أروح أشوف السلسلة دى .. و جبت منها كذا كتاب ..لكن بصراحة أنا اهتماماتى ضعيفة بخصوص أمور البيئة .. أصل أنا مهندس اتصالات تخصص إلكترونيات و ماكنتش باحب الأحياء فى الثانوية العامة :)

فمعلش مش هاقدر أعمل فوكس معاكم

لكن الفقرة الأولى شيقة جدا ... و مستنى آراء باقى الناس

شاب نفسة يحقق حلمة يقول...

والله انا مليش في البيئة قوي
بس فعلا الناس في مصر معظمها بيعاملوا الحيوانات بكل قسوة ومش مقدرين معني احساس الحيوان
تحياتي ليكي وبعد اذنك انا ضفت لينك المدونة عندي

سفروتة يقول...

ردي ع الاسكوب

الخميس الجاي ان شاء الله