الأربعاء، فبراير 06، 2008

سكوب..ليتني كنت شحاتا

ايوة ... زي ما هو مكتوب كده بالظبط ،زمااااااااااااااااان كنا كلنا بنقول شحاتين السيدة ، وشحاتين الحسين
لانهم كانوا بيتمركزوا في المناطق دي علي اساس انها مناطق مباركة وبيتهافت عليها ناس كتير ، ومش
معقول الناس الكتير دي واللي هما طيبين برضه ، مش معقول انهم مش هيحنوا علي الشحاتين الغلابة
واكيد هيدوهم مما اعطاهم الله،ومازالوا برضه ياسادة الي حد الان بيتمركزوا بكثرة ،لكن دلوقتي وبفرمان
سلطاني مني انا امرنا نحن بتغيير ذلك الاسم بدلا من شحاتين السيدة الي شحاتين ميدان الجيزة.

يالهووووووووووي ،كل خطوة تخطيها تلاقي قدامك شحات ،والواحد بيبقي مش قادر خلاص ، مناظر تقطع القلب ، ويقعدوا بقي يحلفوك بالنبي والغاليين ، ويشدوك من ايدك ، وفي منهم اللي ميسيبكش الا لما تطلع الفكة اللي معاك ، وبصراحة الواحد بقي يشك فيهم ، دول شحاتين بحق وحقيقي ولا اصلا هما بيشتغلوا شحاتين ، اصل الدنيا
دلوقتي مبقاش ليها امان يا ابني بعد فيلم عادل امام " المتسول " اما كان عامل فيها شحات ومش بياخد غير بالدولار .

والحقيقة يا سادة ان الميدان اصبح مهدد في اي لحظة لانفجار قنبلة من الشحاتين ، بدل ما كنا بنقول انفجار سكاني ،لا ده كمان هيبقي انفجار شحاتين.

ااااااااااااااااااااااه ، وساعتها بقي تطلع اعلانات في التليفزيون بتطالب بتنظيم الاسرة ، قصدي بتنظيم الشحاتين
وشحات لكل منطقة ، ويقسموها ورديات ، ونعمل بقي وزارة للشحاتة ، وتدخل في ميزانية الدولة ،وساعتها بس
هيكون ليهم الحق انهم يعملوا كلية للشحاتة ،وهتاخد من 99,9 % ،او ممكن الواحد ياخدها من قصيرها وياخد
كورس في الشحاتة وهيحاضر فيه طبعا شحاتين علي اعلي مستوي ، واكيد هيبقي فيه تبادل للشحاتين بين الدول وذلك من اجل تناقل الخبرات وكل ما هو جديد في عالم الشحاتة ، ومش بعيد يتم انشاء منظمة الشحاتة العالمية ، واحتمال كبير جدا تبقي هي الراعي الرسمي لمونديال كاس العالم لكرة القدم، وهنبقي مجبرين اننا نرفع كلنا شعار " نحو مستقبل شحاتة افضل " ، ولما تسال العيل الصغير وتقوله نفسك تطلع ايه يا حبيبي ، هيرد من غير تفكير " طبعا شحاااااااااااات ".

9 اللي شاركوني منظاري:

ابن حـجـر الـعـسـقـلانـى يقول...

لعلمك .. فيه كورس مية مية اسمه

PIS

الكورس دة بياخدوه فى الجامعة الأمريكية بتلات آلاف دولار .. لمدة خمسين ساعة .. و يا ريت تحجزى من دلوقتى عشان أول مكان فاضى هايبقى بعد خمس شهور

و اسم الكورس هو الحروف الأولى من

Profissionality In Shehata

s@gi l'ombre يقول...

عمو عمو ..انا عايز ابقى شحات كبير
ونفسى فى واحد من ال البى اى اس ده
*****
بجد ضحكتوا الواحد ..رغم النزعه الإكتئابيه الملازمه لشخصى الكريم
المهم ..إلا إنى أقلت لازم ادخل بقه وأفك بنكتتين بايخين طبعاً علشان خاطر نوران الحزينه اللى قافله البا على نفسها ومقضيها : ياليتنى بقيت شحات ..على الأقل مافيش بايو والمواد بتاعتهم مسليه قوى ..ومربحه كمان
****
لقيتك بجد بنفس روحك الحلوه وخفه الظل الطبيبعه والإفيه المصطنع ..قدره عاليه من الادب الساخر
يوسف عو ف..خيرى شلبى
حاجه كده من أباطره الأدب الساخر
بصى انتى علاجك عن واحده كده اسمها نوران
خدى السلم من اوله ..وسكوباتك القديمه وقريها بالتعليقات .هتبقى حاجه تانيه
جرعه ضحك تمام
انتى عارفه لما الواحد يحس انه سعيد يومين ..يقلق والفار يلعب فى عبه ويحس إن فى حاجه مش طبيعيه قاااااادمه
بفتح كتاباتى وأقلب وأقرا
طبعا ً بتغم ..ربنا يكو نفى عون اللى بيقراها..ربنا معاكى تانى
والبوست هايل..وفى إلمام بالموضوع من جميع جوانيه ..وبصه مستقبليه مبعديه فحته..بحته
تحياتى ومستنى بوست جزاينى كده بقه
سكوب ..على البايو
يا أختى عليه ميا اختى عليهم
سلام..ولا داعى لتحذيف الطوب

تامر الحسيني يقول...

عرفتي منين كان نفسي اطلع ايه وانا صغير !!!!!!!!!!!!!!!!
ههههههههههههههههههههه

جميله بجد

noury يقول...

ابن حجر العسقلاني
..................
ههههههههههههههههههههههههههههههه
والله انا قعدت اضحك جاااااااامد جداااااااا علي الكورس ده ،لا وايه مختار حتة اسم هههههههههههههههههههههههههه فظيع

بس تصدق مش كتير ابدا علي الكورس ده تلات الاف دولار ما هو الواحد بعد كده هيكسب ملايييييييين مش كده ولا ايه؟؟؟

تحياتي

noury يقول...

ساجي
......
ليه بس استني متجريش مش هحدف طوب ولا حاجة ،ده احنا حتي هنبقي زمايل في الشغلانة (شحاتين قد الدنيا)ههههههههههههههههه

متشكرة اوي علي كلامك ده،ورفع الروح المعدنية خاصتي

بس مفتكرش انك تنتظر بوست حزايني عن البايو ممكن تنتظر بوست فرايحي عن الميتابوليزم

تحياتي

noury يقول...

تامر الحسيني
..............
عرفت منين؟؟؟؟؟
هههههههههههههههههههههه
بسيطة جداااا
مش انت برضه من الناس المقيمين معايا في بيتي الافتراضي يبقي لازم اكيد هكون عارفة كل واحد كان نفسه يطلع ايه وهو صغير

ههههههههههههههههههههههههههههههه

ضحكتني والله

اشكرك ياتامر

تحياتي

oceaneyes يقول...

ههههههههههههههههههههههههههه


يالهووووووووووى


ضحكتينى بجد يا نور ...بس ايه ده


للدرجة دى الحالة بقت صعبة ؟؟؟


ربنا يهدى يارب



وحشتينى يا جميل بجد


اخبارك ايه ؟..ابقى طمنينى عليكى



تحياتى

noury يقول...

اوشن ايز
...........

ازيك يا جميل

اه والله يا سالي بجد الحالة بقت صعبة جدااااااااااااااااا

واللي انا بقوله ده حاجة كده صغيرة علي اللي بيحصل

يللا ربنا يصلح حال العباد جميعا

تحياتي ليكي يا جميل

شاب نفسة يحقق حلمة يقول...

ياه لو الواحد كان منهم دول
كان زمان معاة ايه عربية بي ام وشقة علي النيل وشالية في مارينا ومبايل اخر ماركة
والحياة بقت متظبطة
ههههههههههههههه
ضحكتيني والله
تحياتي ليكي