لاول مرة في حياتي اشعر بهذا الاحساس الفظيع الجميل، لاول مرة باحس اني عضو فاعل في المجتمع ، لاول مرة باحس اني عملت حاجة
هتفيد الناس،اصله انا ياجماعة اصبحت عضوة في اسرة عندنا في الكلية اسمها "سمارت فيتس" وكان مطلوب مني اني اعمل حاجة معينة
خاصة بسنة اولي ،وعملتها والحمد لله،عملتها كويس وعجبت مقرر الاسرة،وانا بصراحة باعتبر ان ده انجاز لاني اشتركت جديد في
الاسرة وقدرت احقق حاجة ،وكمان لانه من زمان وانا نفسي اشارك في عمل تطوعي اقدر من خلاله اني افيد الناس ،واشتراكي في الاسرة
هقدر من خلاله اني افيد الطلبة اللي اصغر مني ،واتمني ان الاسرة اللي انا فيها تخرج برة اسوار الكلية وتبقي من اشهر الجمعيات التطوعية
في مصر .قولوا
آآآآآآآآآميييييييين
4 اللي شاركوني منظاري:
امـــــــــيــــــــــن
فعلا حاجه حلوووه اوى ان الانسان مننا يحس انه بيفيد اللى حواليه بعمل ايجابي
ومتهيئلى اشتراكك في الاسره هيخليكى تعملى حاجات مفيده كتير وهيفيدك انتى كمان في تحقيق ذاتك في حاجات كتيره
تحياتى وربنا يوفقك
شكرا ليك بجد يا اسامة
وفعلا رفعت من معنوياتي وحسستني اني عملت حاجة مفيدة بجد
وعلي فكرة كلامك صح احنا في الاسرة كل واحد موضوع في المكان اللي ممكن يقدر يؤدي فيه،وانا في العلاقات العامة
ونزلنا امبارح مستشفي الطلبة واتكلمنا مع الطلبة عن الكلية،وعشان اديت دوري صح ،الطلبة البنات اخدوا مني رقم تليفوني،ودي كانت الخطوة الصح لان مقررالاسرة قال عشان تعرف انت اثرت في اللي قدامك ازاي لازم في الاخر هيطلب منك رقم تليفونك وهذا ما كان
آآآآآآآآآآآآآآمين
إرسال تعليق