معلهش هانبدأها كده
ليه كل الناس فاكرين ان البيطريين دول مجرد دكاترة بهايم وبس ،لا ياجماعة متفهموش الموضوع غلط الطب البيطري ده
هو طب المحافظة علي صحة الانسان ،يعني لما نراعي صحة الماشية والاغنام والدواجن والاسماك اكيد احنا كده بنحافظ
علي صحة الانسان،لما نكافح اي مرض مشترك بين الانسان والحيوان زي انفلونزا الطيور او سارس او الحمي القلاعية
وغيرها من الامراض يبقي اكيد بنحافظ علي صحة مخلوق واحد من اللي عايشين علي الارض اللي هو البني آدم،ياجماعة
بلاش صيغة الاحتقار اللي بتعاملونا بيها دي احنا والله ناس عاديين مش جايين من عالم تاني كفاية عليكوا قوي كده المرة
الجاية ان شاء الله استنوني مع انفراد جديد للبياطرة
5 اللي شاركوني منظاري:
على فكره متهيئلى النظره الغلط دى للطب البيطرى ممكن تكون كانت زمان وبرضه السبب فيها الاعلام الفاشل
هو اللى نقل الصوره الغلط والمفهوم دا للناس زى فيلم لبنى عبدالعزيز ورشدى اباظه
لكن متهيئلى الواتى النظره دى اختلفت ولا ايه؟؟
فعلا زى اما انتى قلتى
انتى قلتى جمله جميله اوى
هو طب المحافظة علي صحة الانسان
اكيد كلامك صح 100%
تحياتى وربنا يوفقك يا دكتوره
بالفعل عندك حق يا اسامة الاعلام هو اللي نقل الصورة غلط للناس ،وفعلا في ناس نظرتها دلوقتي اتغيرت تماما عن الطب البيطري في مصر،بس ده مايمنعش انه في قطاع كبير من الشعب مش متقبل حتي انه يعرف يعني طب بيطري،وده بسبب الاعلام ،لكن ان شاء الله انتظر مننا انت وكل المصريين حاجة جامدة جدا هتعرف الناس بجد يعني ايه طب بيطري وطبعا ده عن طريق الاعلام بكل وسايله
وشكرا جداااااا علي اهتمامك
عموما يا ستي انا بحب البياطره اكتر من الصيادله
ولو ان في الأخر بحقد عليكم كلكم علشان جبتم مجموع ودخلتم طب
بس هي تجاره حلوه برده
سلاااااااااااااااااااااااام
وسمعني اجدع سلام للدكاتره بتوع الأسد
تم ترالالم تم تم
والله يا عزيزتي انا شايف الموضوع من ذاويه اخري
انا مش شايف اننا لازم نحافظ علي الحيوان وصحته لاجل المحافظه علي صحة الانسان
لا دي انانيه من الانسان
لو تعرفو ان الحيوان ده بيشعر بالالم
ومش بيقدر يعبر عنه بشكل نفهمه
هتعرفو قد ايه اهمية الطبيب الاي بيداويه
ويعالجه
والحيوان لا يستحق من الانسان المعامله السيئه ولا حتي التفكير التفضيلي بينه وبين الانسان
ده كائن بيحس ويشعر ويتئلم وبيشعر بالحب وعنده وفاء وخجل
ودول مشاعر للاسف في ناس كتير كفرو بيها
وبيتجاهلوها في سلوكهم
ربنا يوفقك يا دكتوره
مع تحياتي
إرسال تعليق